பட்டுக்கோட்டை – தஞ்சை இரயில் பாதை 300 கோடி முதலீட்டில் அமைப்பு

நெடு நாளாக பட்டுக்கோட்டை பகுதி மக்களால் ஆவளுடன் எதிர்பார்க்கப்பட்ட தஞ்சை-பட்டுக்கோட்டை இரயில் பாதை திட்டத்திற்கு இரயில்வே அமைச்சகம் ஒப்புதல் வழங்கி உள்ளது. இந்த இரயில் பாதை சுமார் 300 கோடி ரூபாய் செலவில் அமைக்கப்படும் எனத் தெரிகிறது. இந்த ஒப்புதல் பற்றி இரயில் துறை மந்திரில் பி கே பன்சால் திமுக பாராளுமன்ற உறுப்பினர் டி ஆர் பாலுவிடம் அறிவித்ததாக செய்திகள் தெரிவிக்கின்றன. இவர் இரயில்துறைக்கான பாராளுமன்ற நிலைக்குழு தலைவராகவும் இருப்பது குறிப்பிடத்தக்கது.

ஒரத்தநாடு வழியாக அமைக்கப்படும் இந்த பாதை 47 கிலோ மீட்டர் நீளம் கொண்டதாக இருக்கும். இந்த பாதை அமைக்கப்பட்டால் இராமநாதபுரம் வரை இணைப்பை இது ஏற்படுத்தும். பட்டுக்கோட்டை பகுதி மக்களுக்கு சென்னை மற்றும் பிற பகுதிகளுக்குச் செல்ல இது மிகவும் ஏதுவாக இருக்கும். எவ்வளவு நாட்களில் இந்தப் பணி நிறைவடையும் என்பதைப் பற்றி செய்திக்குறிப்பில் குறிப்பிடவில்லை. விரைவாக நிறைவடைந்தால் எல்லோருக்கும் நன்மை பயக்கும்.

சில மாதங்களுக்கு முன்னர் தான் பட்டுக்கோட்டை-தஞ்சை இரயில் பாதை அமைப்பது தொடர்பான ஆய்வை இரயில்வே துறை மேற்கொண்டது. அப்பொழுது டி ஆர் பாலுவிற்கும், தஞ்சாவூர் தொகுதி உறுப்பினர் பழனி மாணிக்கத்திற்கும் கருத்து வேறுபாடு ஏற்பட்டு பிரச்சனையானது நினைவிருக்கலாம்.

Like and Share

Editor

தாமரன்கோட்டை இணைய தள மேலாளர்.

Leave a Reply

Your email address will not be published. Required fields are marked *